ЙӘЙ - КИТАП УҠЫР САҠ!

Йәйге каникул ваҡытында балалар менән китап уҡыу еңел һәм күңеллерәк булһын өсөн, бер нисә кәңәш тәҡдим итәбеҙ.

- Ролдәргә бүлеп уҡыу. Мәҫәлән, атай кеше - айыу, бала - ҡуян, әсәй автор һүҙҙәрен уҡый.

- Уҡыған ваҡытта ҡапыл туҡтағыҙ ҙа, балаға һорау бирегеҙ: "Нисек уйлайһың, артабан нисек булыр?" Ижади фекерләүҙе үҫтереүгә лә яҡшы алым, шулай уҡ әҫәрҙең нисек дауам ителерен уҡырға теләк тә уяна.

- Яңы хәреф таный башлаған балалар менән китап уҡығанда уйнап алырға була. Ниндәйҙер һүҙҙе һайлайбыҙ ҙа, шуны табырға ҡушабыҙ.

- Китапта төшөрөлгән һүрәттәрҙе ҡарап, улар менән уйынсыҡтар араһындағы оҡшашлыҡтарҙы эҙләргә була.

- Бала менән алдан килешеп ҡуйығыҙ. Мәҫәлән, көн дә бер бит китап уҡырға. Һәм бала менән бергә үҙегеҙ ҙә уҡығыҙ. Үҙебеҙ өлгө булайыҡ.

Фото: Нүрзилә һәм Инзирә Баязитоваларҙан.

Автор:Рита Стеничкина

Читайте нас

Партнеры