Телефонды көнөнә нисә тапҡыр алып ҡарайһығыҙ?

Ата-әсәләр телефонды социаль селтәрҙәрҙә килгән хәбәргә яуап бирер өсөн генә ҡабыҙмай. Һауа торошон тикшерергә. Фотоға төшөрөргә. Тиҙ генә яңылыҡтарға күҙ йөрөтөргә... Һәм "тиҙ генә" тиеүебеҙ берәй сәғәткә һуҙылып китә. Ата-әсәләрҙең телефонға бәйле булыуын «фаббинг» термины менән атайҙар.

Ә балаға иғтибар кәрәк. Ул бергә уйнарға һорай. Тик ата-әсәнең ваҡыты юҡ. Йә арыған.

Ә хәҙер уйлап ҡарайыҡ. Был ваҡытта баланың аңында ниндәй уйҙар барлыҡҡа килә?
"Миңә ҡарағанда телефон экраны ҡыҙығыраҡ".
"Телефондағы яңылыҡтар миңә ҡарағанда мөһимерәк".
"Мин ҡамасаулайым".

Был осраҡта ата-әсә лә үҙ ғәйебен тоя. "Тағы ла телефонда артығын ултырҙым шикелле"...
Белгестәр билдәләүенсә, ата-әсәһе күп ваҡытын телефонға бүлгән балалар төнөн дә насарыраҡ йоҡлай.

Ә һеҙ телефонға көнөнә күпме ваҡытығыҙҙы бүләһегеҙ?

Фото: Фотографии ИнНу Инзирә һәм Нурзилә
төркөмөнән.