ЕЙӘНЕМ КИЛДЕ ҠУНАҠҠА

Ейәнем килде ҡунаҡҡа,
Тимер уның исеме.
Нисек яратмаҫка мөмкин
Ошо кескәй кешене?!
Тетелдәп һөйләй хәбәрен,
Йырлап-бейеп ебәрә.
Тимер ыңғайына бергә
Олатай ҙа һикерә.....
Яратҡан йәнһүрәт беҙҙең -
"Зәңгәр трактор" хәҙер!
Уның йырын, геройҙарын
Белмәү күренер сәйер....
Ейәндәрем шулай ҡайтып,
Күңелдәрҙе күтәрһә,
Тағы нимә кәрәк беҙгә
Олоғайған көндәрҙә?

Рәйсә Вәғизова,
Ғафури районының Табын ауылы.