+24 °С
Облачно
Шиғри күстәнәс
19 Октября 2025, 10:08
БӘПӘЙ ЕҪЕ
#шиғыруҡыйыҡ
БӘПӘЙ ЕҪЕ
Бәпәй еҫе — иң танһыҡ еҫ,
Иң тәмле еҫ донъяла.
Татлы ғына сабый бала
Үҫһен ҡотло ояла.
Бәпәй еҫе — аҡлыҡ, паклыҡ,
Иң таҙа, иң саф хистәр.
Шул еҫкә төрөнөп үтһен
Иртәләр, көндәр, кистәр.
Бәпәй еҫе — ҡыуаныстың
Артып ҡына килеүе.
Байлыҡ-шөһрәттән дә ҡиммәт
Сабыйыңдың көлөүе.
Бәпәй еҫе — иң ләззәтле,
Иң ҡәҙерлеһе ерҙә.
Ошо бәхет кешелекте
Урап үтмәһен бер ҙә!
Фото: Нурия Сафина