"Аҡбуҙат" журналы Ҡурған өлкәһе балаларына барып етте!

Ошо уңайҙан Ҡурған өлкәһенең Сафакүл районында "Башҡорт рухы" тип аталған ҙур байрам үтте. Бында Башҡортостандан, Ҡурған һәм Силәбе өлкәләренән ҡунаҡтар йыйылды.

Йәрминкә, оҫталыҡ дәрестәре, күргәҙмә, йыр-моң менән үрелеп барған сарала балалар ҙа ҡатнашты. Тыуған тамырҙарын онотмаған, туған телен өйрәнгән кескәй ҡыҙҙарға һәм малайҙарға "Аҡбуҙат" журналдары таратылды.