"БДФ Китап": балалар һәм ата-әсәләр өсөн 13 сағыу тамаша!

30 һәм 31 майҙа Башҡортостанда Рәсәй Федерацияһының халыҡ артисы Сергей Безруков етәкселегендәге “ЭХО БДФ Республика Башкортостан” Ҙур Балалар фестивале сиктәрендә Әхмәтзәки Вәлиди исемендәге Милли китапханаһында һәм сауҙагәр Чижов йортонда "БДФ Китап" йүнәлешендәге ижади осрашыуҙар үтте.

Ике көн эсендә 13 сара үтте: дискуссиялар, оҫталыҡ дәрестәре, квестар, шиғри оҫтаханалар һәм ижади осрашыуҙар.

Сара ҡунаҡтары - талантлы яҙыусылар һәм иллюстраторҙар: Евгения Русинова, Юлия Весова, Ольга Лишина һәм рәссам-иллюстратор Леся Уланова.

"Балалар менән осрашып, улар менән аралашҡас, һәр миҙгелде, һәр ҡарашты хәтерҙә ҡалдыраһы килә. Аҙаҡ ошоларҙың барыһы ла, күңелдә бөрөләнеп, әҙәби әҫәрҙәрҙә сағылыш таба", - тине Юлия Весова.

Проект Президент мәҙәни башланғыстар фонды, РФ мәҙәниәт министрлығы, Башҡортостан Республикаһы хөкүмәте ярҙамында тормошҡа ашырыла.

Фотолар: БДФ-тың матбуғат хеҙмәтенән.

#БДФ #ЭХОБДФ #БДФМастерские #КультураРБ #ТеатрДляДетей #БольшойДетскийФестиваль