Уҡытыусы – иң хөрмәтле һөнәр!

Форум майҙансыҡтары эшендә республиканың министрлыҡ һәм ведомство, муниципалитет, йәмәғәт берекмәләре, киң мәғлүмәт саралары, профсоюз вәкилдәре, шулай уҡ уҡытыусылар, журналистар ҡатнашты.

"Уҡытыусы: һөнәри абруйҙы нисек үҫтерергә" тип аталған майҙансыҡта ни өсөн йәштәрҙең мәктәпкә эшкә барырға теләмәүҙәре, уҡытыусы - ата-әсә, уҡытыусы - уҡыусы бәйләнеше, ни өсөн иң көслө уҡытыусыларҙың да эшендә "яныуы" һәм башҡа мәсьәләләр ҡаралды.

Спикерҙар: Башҡортостан мәғариф министрының беренсе урынбаҫары Светлана Викторовна Антипина, "Башинформ" мәғлүмәт агентлығының баш мөхәррире Руслан Михайлович Шәрәфетдинов, социаль сәйәсәтте үҫтереү мәсьәләләре буйынса советник, тележурналист Ҡасымханова Альбина Фәрит ҡыҙы, Рәсәй Федерацияһы халыҡ мәғарифы һәм фән хеҙмәткәрҙәре профсоюзының Башҡортостан республика ойошмаһы рәйесе Елена Робертовна Хаффазованың сығыштарынан ҡайһы бер өҙөктәр бирәбеҙ.