Принцессалар балға йыйылды!

Сәләмәтлек мөмкинлектәре сикләнгән ҡыҙҙар өсөн ойошторолған хәйриә сараһына шулай уҡ бөтә республиканан балалар йорттарында тәрбиәләнеүселәр һәм махсус хәрби операцияла ҡатнашыусыларҙың балалары йыйылды. Театр фойеһында бәләкәс принцессаларҙы артистар һәм волонтерҙар ҡаршы алды. Матурлыҡ оҫталары ҡыҙҙарҙы биҙәндерҙе, кескәйҙәр өсөн хас принцессаларҙыҡы кеүек мөйөштәр ҙә булдырылған. Килгән ҡунаҡтар фотоға төштө. Бергәләп спектакль ҡарағас, кескәй һылыуҡайҙарға бүләктәр таратылды. 8 март - Ҡатын-ҡыҙҙар көнө алдынан ойошторолған мөғжизәле, һоҡланғыс байрам булды был