Мәҫәлән, бөгөн Мостай Кәрим исемендәге Милли йәштәр театрында "Nебольшой театр" Ульяновск йәш тамашасы театры сығыш яһаны. Уларҙың "Солнце Муха Крокодил" спектакле II "БЕРГӘ" Халыҡ-ара бөтә ғаилә өсөн спектаклдәр театр фестивалендә "Иң шәп спектакль" дипломы менән бүләкләнгән.
Билдәле булыуынса, иң талапсан тамашасы ул - балалар. Актер уларҙың иғтибарын тотоп алып, ҡыҙыҡһындыра алмаһа, был спектаклдең киләсәге оҙон булмаясаҡ та.
Ә бына киң билдәле балалар яҙыусыһы Корней Чуковский әҫәрҙәре буйынса ҡуйған спектаклдәре менән Ульяновск театры балаларҙың ғына түгел, ололарҙың да ихтирамын һәм һөйөүен яуланы. Геройҙар менән бергә көлдө, ҡайғырҙы, ҡурҡты, ҡыуанды, хатта спектаклгә ҡушылып китте бәләкәстәр!
"Ҡолонсаҡ" фестивале был аҙнала тамамлана. Рәсәйҙең һәм Бойондороҡһоҙ Дәүләттәр Берләшмәһе илдәренән килгән иң шәп спектаклдәрҙе күреп ҡалырға ашығығыҙ!
Ә бына киң билдәле балалар яҙыусыһы Корней Чуковский әҫәрҙәре буйынса ҡуйған спектаклдәре менән Ульяновск театры балаларҙың ғына түгел, ололарҙың да ихтирамын һәм һөйөүен яуланы. Геройҙар менән бергә көлдө, ҡайғырҙы, ҡурҡты, ҡыуанды, хатта спектаклгә ҡушылып китте бәләкәстәр!
