Радий Хәбиров 206 мәктәп автобустары һәм еңел автомобиль асҡыстарын тапшырҙы

ГАЗ, ПАЗ, УАЗ, КАВЗ автобустары Башҡортостандың 54 районында урынлашҡан 196 мәктәпкә тәғәйенләнгән. Шулай уҡ 6 ҡалаға оҙатыла: Нефтекама, Октябрьский, Сибай, Салауат, Стәрлетамаҡ һәм Өфө.
LADA автомобилдәре Бәләбәй, Белорет, Бөрө, Дыуан райондарында, Стәрлетамаҡта, Нефтекамала, Сибайҙа, Күмертауҙа һәм Өфөлә психологик-педагогик, медицина һәм социаль ярҙам комиссиялары үҙәктәрен һәм филиалдарын хеҙмәтләндерәсәк.

– Йола буйынса, 1 сентябрь алдынан балаларға яңы техника тапшырабыҙ. Республиканың ҡала һәм райондарына 200-ҙән ашыу автобус һәм машина юлланасаҡ. Әлеге көндә был күрһәткес рекордлы булып тора.
Был – балалар өсөн өҫтәмә хәүефһеҙлек, уңайлылыҡ, - тине Радий Хәбиров.