Ихлас ҡотлайбыҙ!

Хөрмәтле Лариса Хашим ҡыҙы!
Һеҙҙе ихлас күңелдән тыуған көнөгөҙ менән ҡайнар ҡотлайбыҙ! 

Һеҙ - илһөйәр, телһөйәр шағирә, тос фекерле, талантлы журналист һәм хеҙмәткәрҙәрегеҙгә ҡарата иғтибарлы, ғәҙел етәксе. Беҙ, "Аҡбуҙат"тар, һеҙҙең менән ҡулға-ҡул тотоноп, республикабыҙ балалары өсөн шәп баҫма сығарыу һәм балалар әҙәбиәтен үҫтереү өлкәһендә бергә эшләүебеҙгә ғорурланабыҙ! Һәр ваҡытта ла ғәзиз әсәйегеҙ һәм улдарығыҙға изгелекле-игелекле, ярҙамсыл, киң күңелле булыуығыҙ менән һоҡланабыҙ!

Хоҙай тәғәлә һеҙгә, яҡындарығыҙға сәләмәт тормош, рух ныҡлығы, көслө иман насип итһен! Башҡорт моңондай оҙон ғүмер, бәрәкәтле көндәр һәм шатлыҡ-һөйөнөстәр менән биҙәлгән яҡты миҙгелдәр теләйбеҙ!
Сихри "Аҡбуҙат"тың ҡанаттары талмаһын, кескәйҙәрҙең рәхмәт һүҙҙәренән ижад ҡыуаныстары артып торһон!

Һеҙгә оло хөрмәт менән, яратып, "Аҡбуҙат"тар!