Фестиваль төньяҡ халыҡтары мәҙәниәте менән дә таныштыра

Өфөнөң «Ҡашҡаҙан» паркында үткәрелгән "Рәхәтлектә" IV халыҡ-ара һаулыҡ һәм туризм фестиваленә килһәгеҙ, күлде уратып, рәт-рәт булып теҙелгән һатыу, күргәҙмә, күңел асыу нөктәләрен аҙағына тиклем үтергә кәңәш итәбеҙ! Сөнки тап фестивалдең иң төпкөлөндә һеҙҙе серле, ғәжәйеп донъя көтә. Бында "Илир" төньяҡ халыҡтары торағы урынлашҡан. Был - күсмә этнографик проект, ул - тере мәҙәниәт! Проект авторы - Хадри Окотэтто.