Башҡортостанда киләһе уҡыу йылына 35 мәктәп яңыртыласаҡ!

Шулай уҡ 2 балалар баҡсаһы һәм 3 колледжда ла ремонт эштәре көтөлә. Ремонт эштәренә контракттар төҙөлгән дә инде. Мәғариф объекттарын капиталь ремонтлау дәүләт программаһы сиктәрендә эштәрҙең дөйөм хаҡы 2,174 миллиард һумдан ашыу тәшкил итәсәк, шуларҙың 1,9 миллиард һумы федераль бюджеттан бүленәсәк.

Уҙған йыл йомғаҡтары буйынса республикабыҙ йәлеп ителгән федераль аҡсалар күләме буйынса Волга буйы федераль округында — 1-се, Рәсәйҙә 3-сө урын алғайны, шулай уҡ программа буйынса ремонтланған объекттар һаны буйынса илдә 2-се урында инек: 2024 йылда 6 мәктәп төҙөлөп бөттө, әлеге ваҡытта 25 учреждениела ремонт эштәре тамамланыу өҫтөндә.

Төбәк Башлығы белдереүенсә, ике йыл эсендә модернизация программаһы менән бөтә Башҡортостан буйынса 140 мәктәпте тәртипкә килтерҙеләр: 2022 йылда 63 булһа, 2023 йылда уларҙың һаны - 77. Был белем усаҡтарында яҡынса 37,6 мең бала уҡый.