Сибайҙар ҙа "Мин - йәш Шәһитсе" медиамәктәбе менән танышты

Журналистика, фото һәм видеоконтент, верстка һәм журнал дизайны, әкиәт яҙыу серҙәре буйынса үткәрелгән оҫталыҡ дәрестәрен тыңларға Р. Өмөтбаев исемендәге 13-сө башҡорт лицейы һәм "Сибай" республика полилингваль күп профилле гимназия-интернаты уҡыусылары йыйылды. "Аҡбуҙат" журналының баш мөхәррире Лариса Абдуллинаның, баҫманың бүлек мөхәррире Рита Стеничкинаның Бөтә донъя башҡорттары ҡоролтайы аппаратының мәғариф, фән һәм башҡорт телен үҫтереү бүлегенең баш белгесе Ләйсән Аҙнабаеваның педагог, балалар яҙыусыһы Рәйсә Иҫәнбаеваның дәрестәрен балалар ҙур ҡыҙыҡһыныу менән тыңлап, әүҙем ҡатнашып ултырҙы. Ҡыҙыҡлы мәҡәләләр яҙған 6-сы класс уҡыусыһы Гөлсинә Илбулова "Мин - йәш Шәһитсе" танытмаһы тапшырылғас, бөтә уҡыусыларға ла яңы журнал таратылды.

Проект Башҡортостан башлығы гранттар фонды ярҙамында бойомға ашырыла

#ФСГОРБ #ГрантыРБ