+9 °С
Болотло
VKЕңеүгә - 80 йыл
Бөтә яңылыҡтар
10
Яңылыҡтар
20 Март , 19:20

"Заман" йәштәр медиафорумы заманса үтте

Беҙҙе, төрлө төбәк мәктәптәренән килгән уҡыусыларҙы, 48-се башҡорт лицейы тамаша залына йыйҙылар.

"Заман" йәштәр медиафорумы заманса үтте
"Заман" йәштәр медиафорумы заманса үтте

Заман медиафорумында икенсе йыл рәттән ҡатнашам, шуға күрә был форумда "йәш Шәһитселәр" һәм "Тамыр селтәре" проектында шөғөлләнгән дуҫтарым менән осрашыу, шулай уҡ яңы дуҫтар менән танышыу минең өсөн ҙур ҡыуаныс булды. Форумдың төп бурысы: ҡатнашыусыларҙы башҡорт телен өйрәнеүгә илһамландырыу. Форумдың текә һәм көслө спикерҙары менән буклейтерҙар эшләү, фото һәм видео төшөрөү, социаль селтәрҙәр өсөн контент булдырыу, видеороликтар өсөн музыкаль оҙатыуҙы дөрөҫ һайлау, кадрҙа эшләү буйынса оҫталыҡ дәрестәре үтте. Форум аҙағында еңеүселәрҙе бүләкләү тантанаһы төнгө клуб форматында ойошторолдо. Мин медиафорум иғлан иткән "Заман теле" акцияһына ҡушылдым, баһалар 31 март иғлан ителәсәк. Шундай шәп аралашыу, үҫеү майҙаны ойошторған 48-се башҡорт лицейы директоры Оксана Мөхәмәтйәноваға "Заман" һүҙҙәренә яҙылған шиғыр юлдарымды һөйләп ишеттерҙем! Заман менән бергә атлайһыҡ, дуҫтар. Зирәкме һин!? Отҡормо һин? Алға, әйҙә! Ҡаушама! Майҙан көтә. Ал һин белем! Ниәтеңде ташлама! Зөлхизә Йосопова, "Мин - йәш Шәһитсе" медиамәктәбе уҡыусыһы.

Проект Башҡортостан башлығы гранттар фонды ярҙамында бойомға ашырыла #ФСГОРБ #ГрантыРБ

"Заман" йәштәр медиафорумы заманса үтте
"Заман" йәштәр медиафорумы заманса үтте
Автор:Рита Стеничкина
Читайте нас: