Балаларҙың йәйге ялын ойоштороуҙы алдан хәстәрләү яҡшы

Муниципалитеттар тәҡдим иткән мәғлүмәттәр буйынса, 2025 йылғы һауыҡтырыу кампанияһы осоронда 1899 балалар лагеры эшләй башлаясаҡ, ял итеүгә  500 меңдән ашыу бала йәлеп ителәсәк. Шулай уҡ быйыл йәй, үткән йылдарҙағы кеүек үк, Луганск һәм Донецк халыҡ республикаларынан балалар килеүе көтөлә - бөтәһе 600 бала һәм 50 оҙатып йөрөүсе өлкәндәр буласаҡ.

Был осорҙа йыл әйләнәһенә 9 профилле балалар ял итеү һәм һауыҡтырыу лагеры ойоштороласаҡ. Ғинуарҙан май айына тиклем Баймаҡ районының "Орлёнок" балалар лагерында һәм Ҡыйғы районының "Маяҡ" балалар лагерында капиталь ремонт үткәрелеү көтөлә.

2025 йылдың йәйге осоронда лагерҙарҙа 30 меңгә яҡын хеҙмәткәр эшләргә планлаштыра. Республика методик үҙәк, Өфө фән һәм технологиялар университеты, М. Аҡмулла исемендәге Башҡорт дәүләт педагогия университеты кеүек юғары уҡыу йорттары вожатыйҙарҙы уҡытыу һәм әҙерләү эшен уңышлы алып бара.

Һәр лагерҙа "Беренселәр хәрәкәте", "Рәсәй бөркөттәре" һәм башҡа төрлө саралар үтәсәк. Быйыл Ватанды һаҡлаусылар йылына һәм Бөйөк Ватан һуғышында Еңеүҙең 80 йыллығына арналған сараларға ҙур иғтибар бүленәсәк.