Балалар өлкәндәргә йөрәк йылыһын өләшә

Башҡортостан Башлығының гранты конкурсы еңеүсеһе, "ДеДство" проекты балалар һәм яңғыҙ йәшәгән өлкәндәр араһында үҙ-ара бәйләнеш булдырыуға, мөнәсәбәттәрҙе нығытыуға йүнәлтелгән тәрбиәүи эш алып бара. Проекттың маҡсаты: ололар өсөн ял ойоштороу ғына түгел, ә балаларға ололар тураһында хәстәрлек күреүҙең мөһимлеген аңлау, иғтибар һәм ихтирам күрһәтергә өйрәнеү мөмкинлеген биреү. 10 мартта "ДеДство" проекты ҡатнашыусылары яңғыҙ өлкәндәргә шатлыҡ һәм яҙғы кәйеф бүләк итеү өсөн ҡарттар йортона барҙы. Халыҡ-ара ҡатын-ҡыҙҙар көнө уңайынан балалар байрам концерты әҙерләгәндәр, өләсәйҙәр өсөн ул көтөлмәгән ҙур бүләк булды.

Осрашыу барышында балалар шиғырҙар уҡыны, күңелле бейеүҙәр бейеп, йырҙар башҡарҙы. Өләсәйҙәр һәм олатайҙарҙың күңелдәре булды, һәр номерҙы алҡышлап ҡаршы алдылар. Балалар үҙҙәре эшләгән открыткалар тапшырыу менән тамамланды был йәмле осрашыу. Бындай саралар быуындар араһындағы бәйләнеште нығыта, оло йәштәгеләрҙең күңелдәрендә күңелле тәьҫораттар ҡалдыра. Бындай саралар аша балалар йолаларҙың һәм быуындар күсәгилешлегенең ҡиммәтен аңларға өйрәнә.

#ДетскийСад15Сказка
#ГрантыРБ
#ФСГОРБ