Ике Алмас

Беҙҙең кескәйҙәр ҙә батырҙарыбыҙҙы, ил һаҡлаған яугирҙарҙы белеп, йөҙгә танып үҫергә тейеш.
"Аҡбуҙат" журналының быйылғы тәүге һанының "Шәхес һәм мин" рубрикаһында ике Алмасты биргәйнек. Береһе - Ф. Мостафина исемендәге 20-се Өфө ҡала башҡорт гимназияһының ихлас, әүҙем уҡыусыһы - Алмас Солтаҡаев булһа, икенсеһе - башҡорт батыры, Рәсәй Геройы Алмас Сафин. Махсус хәрби операцияһында ҡатнашҡан "Башкир" позывнойлы яугирыбыҙға үлгәндән һуң Рәсәй Геройы исеме бирелде. Бөгөн Раевка ҡасабаһында, Новосибирскиҙа уға бюст ҡуйылған, белем алған 2-се һанлы Раевка мәктәбе исемен йөрөтә, Батыр партаһы бар. Әлшәй районында хәрби-патриотик йырҙар башҡарған "Алмаз" балалар вокаль-инструменталь ансамбле булдырылған.