"Аҡбуҙат" балалар баҡсаһында осрашыу

Бөгөн Сибай ҡалаһының "Аҡбуҙат" балалар баҡсаһында "Аҡбуҙат" балалар журналының баш мөхәррире Лариса Хашим ҡыҙы Абдуллина һәм "Бельские просторы" журналының баш мөхәррире урынбаҫары, балалар яҙыусыһы, прозаик Светлана Чураева менән матур, иҫтәлекле осрашыу үткәрелде.

"Аҡбуҙат" балалар баҡсаһында 180-дән ашыу бала тәрбиәләнә. Һәр тәрбиәсе, педагогтар балаларҙы илһөйәр, телһөйәр итеп үҫтереү өсөн күп көс һала бында.

Яҙыусы апайҙар менән үткән кисәлә лә бәләкәстәр әүҙем ҡатнашты, кешене кеше иткән төп төшөнсәләр, әҙәп-әхлаҡ тураһында әңгәмәләштеләр. Ә Урал Әминев Лариса Хашим ҡыҙы менән бергә үҙенең шәжәрәһен төҙөнө.

"Аҡбуҙат" балалар баҡсаһы тәрбиәләнеүселәренә аҡ бәхеттәр, уңыштар теләйбеҙ!