Мәскәү ҡурсаҡтары - Өфөлә!

Ошо уңайҙан бөгөн Башҡорт дәүләт Ҡурсаҡ театрында матбуғат конференцияһы үткәрелде.

С. В. Образцов исемендәге ҡурсаҡ театры Мәскәүҙә тамашасылар иң күп йөрөгән театрҙарҙың береһе һанала. Спектаклдәрен бөтә донъя буйлап гастролдәрҙә күрһәткән театр ул.

Бөгөн өфөлөләргә шулай уҡ бар ер шарын урап сыҡҡан "Ғәҙәти булмаған концерт" ("Необыкновенный концерт") спектаклен тәҡдим итә ҡунаҡтар.

Ҡасандыр 12 кешенән генә торған, урам театры булып эш башлаған, бөгөн илдә генә түгел, бөтә донъяға даны таралған бөйөк театрҙың тамашаларын ҡарап өлгөрөгөҙ!