"Аҡбуҙат" - Туймазыла!

Бөгөн "Аҡбуҙат" журналы Зиннур Мирсәлихйән улының тыуған яғында - Туймазы районында!

Туймазы ҡалаһының 1-се гимназияһы балалары йылы ҡаршыланы "Аҡбуҙат"тарҙы.
Бында өс Шайморатов класы ойошторолған. 2021 йылда мәктәп майҙанында данлыҡлы генералға һәйкәл дә асылған!
Бөгөн белем усағында 850 бала уҡый.

Мәктәп директоры Әйүпов Румил Рим улы әйтеүенсә, бында балаларҙы илһөйәрлек рухында тәрбиәләү өсөн уҡытыусылар коллективы күп көс һала.

Ханты-Манси автономия округында ҡоролтай рәйесе, Рәсәйҙең атҡаҙанған нефть һәм газ сәнәғәте хеҙмәткәре булып киткән данлыҡлы яҡташтары кеүек, бөгөнгө осрашыуҙа ҡатнашҡан һәләтле, ихлас балалар ҙа киләсәктә тыуған илдәре өсөн кәрәкле шәхестәр булып буй еткерер тип ышанабыҙ!