+17 °С
Болотло
VK
Бөтә яңылыҡтар
Яңылыҡтар
2 Октябрь 2023, 09:40

Бөтә донъя башҡорттары ҡоролтайы Башҡарма комитетының тантаналы ултырышы үтте

Һөйләшеүҙә "Аҡбуҙат" журналы хаҡында ла һүҙ барҙы. 

Бөтә донъя башҡорттары ҡоролтайы Башҡарма комитетының тантаналы ултырышы үтте
Бөтә донъя башҡорттары ҡоролтайы Башҡарма комитетының тантаналы ултырышы үтте

Бөтә донъя башҡорттары ҡоролтайы йәмғиәт ойошмаларының халыҡ-ара берләшмәләренең “Фәнни майҙан” йыйылма сараһы сиктәрендә Бөтә донъя башҡорттары ҡоролтайы Башҡарма комитетының тантаналы ултырышы үтте. Ул  Башҡарма комитетының беренсе рәйесе Нияз Мәжитовтың тыуыуына 90 йыл тулыуға арналды.

Ултырышта тура бәйләнеш аша Башҡарма комитет ағзаларын Бөтә донъя башҡорттары ҡоролтайының президиум рәйесе Эльвира Айытҡолова сәләмләне. Ул “Фәнни майҙан” саралар йыйылмаһының милләт өсөн матур күренеш булыуын, милли мәктәптәр менән бәйләнеш булдырыуының әһәмиәтен билдәләне.

Бөтә донъя башҡорттары ҡоролтайы Башҡарма комитеты рәйесе Юлдаш Йосопов Нияз Мәжитовың Ҡоролтай эшмәкәрлегенә һәм Башҡортостандың археологик фәндең үҫешенә индергән өлөшө тураһында һөйләне.

Ултырышта 2023 йылдың тәүге яртыһында Бөтә донъя башҡорттары ҡоролтайы комиссиялары  эшмәкәрлегенә һығымталар яһалды, ошо айҡанлы комиссия рәйестәре сығыш яһаны.

“Аҡбуҙат” журналының баш мөхәррире, Бөтә донъя башҡорттары ҡоролтайының мәҙәниәт һәм киң мәғлүмәт саралары буйынса комиссия рәйесе Лариса Абдуллина тәү сиратта был сараның Рәсәйгә Донецк һәм Луганск Халыҡ Республикалары, Запорожье менән Херсон өлкәләре ҡушылған көндә үтеүен һыҙыҡ өҫтөнә алды. “Аҡбуҙат” журналы ДХР һәм ЛХР балаларына махсус сығарылыштар арнағайны, улар яңы төбәктәргә барып етте һәм ундағы кескәйҙәр тарафынан йылы ҡабул ителде. Лариса Хашим ҡыҙы шулай уҡ быйылғы Мәғариф һәм фән йылы айҡанлы төрлө саралар үтеүе хаҡында әйтеп үтте.

  • Фәнни һүҙ юҡ икән, халыҡтың киләсәге юҡ. Беҙ ошо замандың ҡануниәтенә ҡарап халҡыбыҙ мәнфәғәтен яҡларға тейешбеҙ. Фән йылында мәҙәниәт комиссияһының эшмәкәрлеге фәнни эшмәкәрлек менән бергә үрелеп барҙы.

Рәсәйгә дүрт төбәк ҡушылған көндә башҡорт халҡы башҡаларға теләктәшлек, терәктәшлек, мәҙәниәт буйынса өлгө булып торорға тейеш, - тине ул, һәм ошо ярты йыллыҡта Башҡортостан буйлап ҡына түгел, унан ситтә башҡорттар күпләп йәшәгән төбәктәрҙә, Һамар, Силәбе, Пермь, Ырымбур кеүек өлкәләрҙә милли сараларҙың уҙыуын, республикабыҙҙағы башҡа әһәмиәтле сараларҙы һанап уҙҙы.

 

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                  

Автор:Айгөл Ғәбитова
Читайте нас: