Балалар өсөн әһәмиәтле лә, ҡыҙыҡлы ла

Сталинград алышы Бөйөк Ватан һуғышының иң мөһим, хәл иткес алыштарының береһе. Еңеүҙә уның өлөшө баһалап бөткөһөҙ.

"Рәсәй – минең тарихым" проекты "Сталинград алышы" музей-ҡурсаулығы менән бергә анимациялы карталар, үҙенсәлекле видеолар, алыш яугирҙарының көндәлектәренән алынған мәғлүмәттәр, портреттар ярҙамында үҙенсәлекле күргәҙмә төҙөүгә өлгәшкән.

Сталинград алышы хронологик тәртиптә күрһәтеләсәк.

"Рәсәй – минең таихым" тарихи парктар ассоциацияһы директоры Иван Есин белдереүенсә, күргәҙмә төрлө йәштәр өсөн тәғәйенләнгән, әммә уның тап йәш быуын, бигерәк тә балалар өсөн әһәмиәте ҙур: мультимедиалы форматта уларға Сталинград алышы тарихын ҡарау ҡыҙыҡ буласаҡ.

2 февраль, күргәҙмә асылған көндө, инеү бушлай, ҡалған көндәрҙә билет хаҡы 100 һум,студенттарға һәм пенсионерҙарға 50 һум, мәктәп уҡыусыларына – бушлай. Дөйөм экскурсия – 100 һум.

Күргәҙмә ВДНХ-ла урынлашҡан, адресы: Менделеев урамы, 158.