Үҫеп килгән быуында тәбиғәткә һаҡсыллыҡ тойғоһо тәрбиәләп

#БумБатл Бөтә Рәсәй акцияһы сиктәрендә республика буйлап сентябрҙән ноябргә тиклем макулатура йыйыу ойошторолған.

Иң күп һөҙөмтәне Өфө дәүләт авиация һәм техника университеты күрһәткән – студенттар һәм уҡытыусылар 4 370 килограмм макулатура йыйып тапшырған. Икенсе урында Ишембай ҡалаһының 12-се һанлы лицейы, өсөнсө булып яҡшы һөҙөмтәне Янғантау ауылының урта мәктәбе күрһәткән.

Мәғлүм булыуынса, был саралар тәбиғәтте һаҡлау маҡсаты менән ойошторола. Өс йыл эсендә БумБатл акцияһы сиктәрендә 66,4 мең тонна күләмендәге макулатура тапшырылыу һөҙөмтәһендә, яҡынса 1,26 мең ағасты һаҡланып ҡалған.