Балаларҙың мәктәптәрҙә туҡланыу сифаты нисек?

Сарала дөйөм алғанда ун меңдән ашыу ата-әсә ҡатнашты.

Мәктәптәрҙең ашханаларында ата-әсәләр аш-һыу тәмләп ҡараны, уларға ризыҡ сифатын тикшереүҙән тыш, уҡыусыларҙы туҡландырыуҙа кәрәкле шарттар булдырыу менән танышырға ла мөмкинлек бирелде: ата-әсәләр рәсми ҡағыҙҙар, журналдар менән танышты.

Ошо уҡ көндә ата-әсәләр йыйылыштары ла үтте, һөйләшеүҙә балаларҙы дөрөҫ туҡландырыу тураһыда һүҙ барҙы.
Ата-әсәләргә һорауламалар ҙа таратылды, улар арҡылы уҡыусыларҙың өйҙә туҡланыу сифаты тикшерелде.

Шулай уҡ мәктәптәрҙә "Кеше тормошонда витаминдар роле", "Иң файҙалы аҙыҡ-түлек", "Һаулыҡ әлифбаһы" дәрестәре уҙҙы. Балалар дөрөҫ туҡланыуҙың төп ҡағиҙәләре, файҙалы аҙыҡ-түлектәр хаҡында тыңланы.
Сара Башҡортостандың Мәғариф һәм фән министрлығы тарафынан мәктәптәрҙә туҡланыу һәм ата-әсәләр контроле системаһын камиллаштырыу маҡсатынан ойошторолдо.