Балаларыңды башҡорт тарихы, мәҙәниәте, көнкүреше менән таныштырам тиһәң...

Мәскәүҙәге “Зарядье” паркында үткән Рәсәй географик ойошмаһы фестивалендә Башҡортостандан делегация ҡатнаша.

Ун көн дауам иткән Фестивалдә Төп сәхнәлә фольклор коллективатары сығыш яһаһа, Лекторийҙарҙа мауыҡтырғыс оҫталыҡ дәрестәре уҙа.

Проекттың төп маҡсаты – Рәсәй төбәктәренең төрлөлөгөн сағылдырыу һәм халыҡта ил буйлап сәйәхәткә ҡыҙыҡһыныу уятыу.

Башҡортостан делегацияһы фестиваль ҡунаҡтарын һәм бар теләүселәрҙе башҡорт халҡының йолалары, ғөрөф-ғәҙәттәре һәм мәҙәниәте менән таныштыра.

Кремль стенаһына терәлеп тиерлек башҡорт тирмәһе ҡоролған. Башҡорт ихатаһы ла бар – ул быуаттар төпкөлөнән килгән башҡорт халҡының көнкүрешен сағылдыра, тарихты тергеҙә.

“Һабантуй” спорт-уйын программаһы ла ҡаралған.

Рәсәй географик ойошмаһы фестивале сиктәрендә башҡорт тарихы, мәҙәниәте, көнкүреше менән танышыу – балаларҙа Рәсәй халыҡтарына ҡыҙыҡһыныу уятыу өсөн шәп ысул.