БАЛАЛАРҒА КЕЙЕҘ БАҪЫУ СЕРҘӘРЕН ӨЙРӘТТЕЛӘР

Ошо көндәрҙә Ләмәҙ ауылында республика семинар-практикумы үтте. Ул кейеҙ баҫыу оҫталарын йыйҙы. Сараның географияһы киң: Йылайыр, Белорет, Кушнаренко, Дүртөйлө, Иглин райондары, Өфө менән Учалы ҡалаһынан килгәндәр.

Оҫталыҡ дәрестәрен М. Аҡмулла исемендәге БДПУ профессоры, Рәсәйҙең һәм Башҡортостандың атҡаҙанған рәссамы Тәлғәт Мәсәлимов уҙғарҙы.

Оҫталар ике көн дауамында урындағы Ләмәҙ балалар лагерында ял иткән кескәйҙәрҙе кейеҙ баҫыу серҙәренә өйрәтте.