Владимир Путин илдә «Герой-әсә» исемен булдырыу тураһында указға ҡул ҡуйҙы

Рәсәй Президенты Владимир Путин илдә «Герой-әсә» исемен булдырыу тураһында указға ҡул ҡуйҙы. Документ рәсми хоҡуҡи мәғлүмәт интернет-порталында баҫылған,

тип хәбәр итә "Башинформ" мәғлүмәт агентлығы. Документҡа ярашлы, Рәсәйҙә 10 һәм унан күберәк бала тапҡан һәм тәрбиәләгән ҡатын-ҡыҙҙар 1 миллион һум күләмендә бер тапҡыр бирелә торған аҡсалата премия алыу хоҡуғына эйә.

Бынан тыш, хәҙер «Ата-әсәлек даны» ордены миҙалы менән бүләкләгәндә ата-әсәләрҙең йәки уллыҡҡа (ҡыҙлыҡҡа) алғандарҙың береһенә бер тапҡыр 200 мең һум түләнә.

Фото асыҡ сығанаҡтарҙан алынды.