Луганск халыҡ республикаһының Петровское ҡалаһына Башҡортостандан һигеҙенсе гуманитар конвой юлланды. Ете фуранан торған автоколонна был ҡалалағы 22-се мәктәпкә капитал ремонт өсөн материалдар еткерҙе. Шуныһын һыҙыҡ өҫтөнә алыу мөһим: был мәктәп Миңлеғәле Шайморатов исемен йөрөтә.
"Мәктәп күҙгә күренеп үҙгәрә, ҡыйығы әҙер тиерлек, тәҙрәләр яңы, эстә эш гөрләй. Башҡорт төҙөүселәренең һөнәрилеге күҙгә салына,эште сифатлы һәм ваҡытында башҡаралар", - ти мәктәп директоры Гөлназ Серова һәм оло рәхмәт һүҙҙәрен еткерә.
Батырыбыҙҙың исемен йөрөткән, рухын һаҡлаған, инде тулыһынса яңыртылған мәктәптә балаларҙың шат тауыштары тынмаһын, белем шишмәләре байыһын тип теләйек.