Шәхси балалар баҡсаларында 400 өҫтәмә урын булдырыласаҡ

2022 йылда республикаға «Демография» милли проектының «Мәшғүллеккә булышлыҡ итеү» төбәк проектын тормошҡа ашырыу барышында өҫтәмә финанслау - 48,4 миллион һум бүленә. Бойороҡҡа Хөкүмәт рәйесе Михаил Мишустин ҡул ҡуйҙы. Был аҡсалар шәхси балалар баҡсаларында өҫтәмә урындар булдырыуға, уҡытыу һәм тәрбиәләү саралары менән йыһазландырыуға йүнәлтеләсәк. Ә был балалар баҡсаларының тәрбиәселәре һәм етәкселәре квалификацияны камиллаштырыу курстарын үтә аласаҡ. Башҡортостандың Мәғариф һәм фән министрлығы мәғлүмәттәре буйынса, 2022 йылда республикала 500 урынлыҡ 3 муниципаль балалар баҡсаһын файҙаланыуға тапшырыу күҙаллана - Өфөләге Кузнецов Затоны биҫтәһендә, Ҡырмыҫҡалы районының Ҡабаҡ һәм Салауат районының Янғантау ауылдарында.