Беҙҙекеләр - беренселәр рәтендә!

 Конкурста илдең 42 төбәге сығыш яһаны, беҙҙән дүрт уҡытыусы ҡатнашты һәм уларҙың барыһы ла айырылып торҙо.

Фәнилә Әсхәт ҡыҙы Фәтхетдинова - ике тапҡыр Советтар Союзы Геройы Муса Гәрәев исемендәге башланғыс осош әҙерлеге алып барылған Өфө дөйөм белем биреү мәктәп-интернатының башҡорт теле һәм әҙәбиәте уҡытыусыһы - беренсе урын яуланы.

Әйүпова Венера Биктимер ҡыҙы ла - Ишембай ҡалаһы 14-се мәктәбенең башҡорт теле һәм әҙәбиәте, рус теле һәм әҙәбиәте уҡытыусыһы – беренсе урынға лайыҡ булды.

Таңсулпан Рәмил ҡыҙы Сәфетдинова - Өфө районының Дорогин ауылындағы Советтар Союзы Геройы Александр Пикунов исемендәге мәктәптә башҡорт теле һәм әҙәбиәте уҡытыусыһы - икенсе урын дипломы алып ҡайтты.

Наталья Сергеевна Кабанина - Дәүләкән ҡалаһы 5-се мәктәбенең рус теле һәм әҙәбиәте уҡытыусыһы - өсөнсө урын яуланы.

Уҡытыусыларыбыҙҙы лайыҡ еңеүе менән ҡотлайым, киләсәктә лә ижади уңыштар теләйем. Улар белем биргән уҡыусылар өсөн шатмын.  

Сығанаҡ һәм фото: vk.com/radiyhabirov