Башҡортостандан 11 бала “Ҙур тәнәфес” Бөтә Рәсәй конкурсында еңеү яулаған

8-9 кластар өсөн 200 мең һум күләмендәге аҡсалата приз ҡаралған, был сығымдар техникаға һәм  кәрәкле ҡоролмаларға китәсәк.

10-11 кластар өсөн тәғәйенләнгән 1 миллион һум уларға юғары уҡыу йорттарына инергә, үҙ проекттарын бойомға ашырырға  ярҙам итәсәк.

Быларҙан тыш, еңеүселәргә Рәсәй юғары уҡыу йорттарына инеү өсөн портфолиоларына балдар өҫтәләсәк.

“Ҙур тәнәфес” – үҙен һәм донъяны үҙгәртергә ынтылған балалар өсөн тәғәйенләнгән конкурс. Бында баһалар түгел, ә үҙенсәлекле фекер йөрөтөү мөһим.

“Ҙур тәнәфес”тә һәр бала күңеленә ятҡан йүнәлеш һайлай ала: журналистика, спорт, экология, ижад, илһөйәрлек һәм башҡалар.

Конкурстың финалы “Артек” лагерында үтә.