"Балаларымды башҡорт тип яҙҙырҙым"

Рәсәй буйлап Халыҡ иҫәбен алыу дауам итә.

"Башҡортостанда иҫәпкә тороусылар һаны дүрт миллиондан артты", - тип хәбәр итә республика етәксеһе Радий Хәбиров.

Башлыҡ үҙе лә иҫәпкә теркәлгән.

"Һорауҙары ҡыҙыҡ. Беҙ ғаиләлә биш кеше, мин күп балалы атай. Мин үҙемде һәм балаларымды башҡорт итеп яҙҙырҙым", - ти ул.

Радий Хәбиров Халыҡ иҫәбен алыу сараһын тарихи, ҙур ваҡиға тип иҫәпләй. Тап ошо кампания арҡылы халыҡтың ҡайҙа нисек йәшәгәнен, улар хаҡында тулы мәғлүмәтте, ә тәғәйен: милләтен, йәшен, белем кимәлен, һөнәрен белеп була.