Белем байрамы менән!

Бәләкәс дуҫтарыбыҙ! Оҙайлы каникулдан һуң яңы уҡыу йылы килеп етте. Кемдәрҙер быйыл мәктәп ишеген тәүләп асалыр, ҡалғандары ҡыҙыҡлы дәрестәрҙе, дуҫтарын, шаулы тәнәфестәрҙе, төрлө сараларҙы, түңәрәктәргә йөрөүҙәрҙе  һағынғандыр. Нисек кенә булмаһын, 1 сентябрь алды һәр ваҡыт тулҡынландырғыс мәл. Әлбиттә, пандемия арҡаһында, бәлки, тантаналы линейка, тәүге ҡыңғырау барыһы өсөн дә булмаҫ, шулай ҙа уҡырға, белем алырға тигән теләгегеҙ һүнмәһен, һүрелмәһен! Алда һеҙҙе яңы үрҙәр, шаулы йылдар көткәнен иҫегеҙҙән сығармағыҙ... Барығыҙҙы ла Белем байрамы менән ҡотлайбыҙ! Яҡшы уҡығыҙ. Уҡытыусыларығыҙ ҙа, атай-әсәйҙәрегеҙ ҙә һеҙҙең менән ғорурланһын, һеҙҙең өсөн ҡыуанһын! Йыл буйына уңыштар ғына юлдаш булһын үҙегеҙгә!   "Аҡбуҙат" журналы һәр ваҡыт һеҙҙең менән. 

Белем байрамы менән!