Янғын балалар лагерын да урап үтмәне

Билдәле булыуынса, эвакуацияланған 467 кеше (412 бала, 55 хеҙмәткәр) 19 автобус менән Магнитогорск ҡалаһына ебәрелгән. Балалар ата-әсәләренә тапшырылған. Зыян күргәндәр юҡ. Ҡалған 370 кеше (338 бала, 32 хеҙмәткәр) «Юбилейный» шифаханаһына, «Йәшлек» һәм «Ҡайынҡай» ял йорттарына, шулай уҡ «Урал таңдары» балалар һауыҡтырыу лагерына урынлаштырылған.

Әлеге ваҡытта янғындың майҙаны — 15 гектар. Янғын менән көрәшкә 300-гә яҡын кеше һәм 53 берәмек махсус техника йәлеп ителгән. Ваҡиға урынына Өфөнән Баш идаралыҡтың 50 кешенән торған Аэромобиль төркөмө, 3 берәмек техника килгән.

Фото: Башинформ

https://www.bashinform.ru/news/1629949-v-bashkirii-iz-detskogo-lagerya-gornoe-ushchele-evakuirovano-bolee-800-chelovek/