Вакцина эшләтмәйенсә ресторандарға инеп булмаясаҡ

Башҡортостанда 26 июлдән ресторандарға һәм башҡа социаль-көнкүреш йүнәлешендәге учреждениеларға инеү өсөн вакцинация үтеү хаҡында сертификат (шул иҫәптән беренсе компонент менән), прививка эшләтергә ярамауы йәки кире һөҙөмтәле ПЦР-тест булыуы тураһында талап көсөнә инде, тип белдерә "Башинформ" мәғлүмәт агентлығы.

Һүҙ бында ябыҡ биналарҙа эшләгән (50 йәки унан ашыуыраҡ урынлы) дөйөм туҡланыу ойошмалары, матурлыҡ салондары, косметика һәм СПА-салондар, массаж салондары, солярий, мунса, сауна, физкультура-һауыҡтырыу ойошмалары, студент ятаҡтары, ҡала-ара пассажирҙар ташыу автотранспорты һәм «Орлан» ҡала яны поезы тураһында бара.