Бөгөн иғтибар үҙәгендә - тик балалар!..

Бөгөн республикабыҙҙың һәр районында, һәр ауылында Халыҡ-ара балаларҙы яҡлау көнөн билдәләнеләр. Билдәләнеләр, тип әйтеү генә әҙҙер, ысын байрамға әйләнә бара был көн. Бөгөн – иғтибар үҙәгендә тик балалар. Балаларҙың һөйөнөс-ҡыуаныстары, уңыштары, бәхетле, шат йөҙҙәре – ата-әсә өсөн шунан да ҙурыраҡ бәхет бармы икән? Балаларҙы күңел йылыбыҙҙы йәлләмәй, иғтибарыбыҙҙан айырмай, һөйөү һәм мөхәббәткә генә сорнап үҫтерәйек! Уларға бөгөн иғтибарлы һәм ихтирамлы булһаҡ, илен, телен, халҡын һөйөргә өйрәтеп үҫтерһәк, киләсәгебеҙ ҙә яҡты, матур, ышаныслы булыр.Донъя халыҡтары әкиәттәрен Башҡортостан халыҡтары телдәрендә һөйләүселәрҙең “Һаумы, һаумы, әкиәт!” төбәк-ара конкурсының йомғаҡлау өлөшө тап ошо көнгә тура килеүе лә юҡҡа түгел.