Ағиҙел ҡалаһының 2-се мәктәп базаһында урынлашҡан балалар технопаркында ниндәй ҙә булһа шөғөлгә өйрәнеү өсөн бар мөмкинлектәр ҙә булдырылған. Йыр студияһы, авиамоделләү, компьютер эшен белеү түңәрәге эшләй. Шулай уҡ уҡыусылар үҙ фантазияһына таянып, төрлө әкиәттәр төшөрә. Һәр кемдең үҙ компьютеры, әкиәттә ҡулланыр махсус ҡоролмалар ҙа бар. Картина геройы булыу өсөн дә шарттар ҡаралған.