ҠЫШ БАБАЙ ҺЕҘҘЕ ҮҘ РЕЗИДЕНЦИЯҺЫНДА ҠАРШЫЛАЙ

Байрамды көтөп алған кескәйҙәр ниһайәт, башҡорт Ҡыш бабайының резиденцияһында ҡунаҡта. Әкиәт тирмәһендә малай-ҡыҙҙар шиғыр һөйләп, йырлап-бейеп Ҡыш бабайҙы хайран ҡалдырырға тырыша. Улар үҙ теләктәрен хатҡа яҙып бала саҡ хыялдарының тормошҡа ашасағына өмөтләнә. Бының өсөн ойоштороусылар, ата-әсәйҙәр ҙә көс һала. Ҡыш бабайҙың республикалағы берҙән-бер резиденцияһы ишектәре 20 ғинуарға тиклем асыҡ буласаҡ.