ЯҢЫ БҮЛЕК АСЫЛДЫ

Яңы шарттарҙа – яңы мөмкинлектәр. Ремонт үткәрелгән, заманса яңы ҡорамалдар һатып алынған. Башҡорт дәүләт медицина университетының эндоскопия бүлегендә ашҡаҙан-эсәк юлдарын, трахея һәм бронхыларҙы тикшереү өсөн киң мөмкинлектәр асыла. Иң мөһиме эндоскопия ярҙамында пациентҡа дөрөҫ диагноз ҡуйып буласаҡ. Был процедураларҙы үтәгәндә пациент ауыртыныу һәм уңайһыҙлыҡтар тоймаясаҡ.

Беҙ эндокапсула ярҙамында тикшеренеүҙәр үтәйбеҙ.Уның эсенә бәләкәй генә видеокамера, яҡтыртыу ҡорамалдары, аккумулятор ҡуйылған, Ашҡаҙан-эсәк юлдары буйлапп үткәндә пациент ауыртынмай, капсула тәбиғи ысул менән сыға.