+18 °С
Болотло
VK
Бөтә яңылыҡтар
Яңылыҡтар
24 Ноябрь 2020, 20:10

ХАРИС ЙОСОПОВҠА ҺӘЙКӘЛ АСЫЛДЫ

Силәбе ҡалаһында данлыҡлы яҡташыбыҙ, көрәшсе Харис Йосоповҡа һәйкәл асылды.Харис Йосопов Салауат районы Арҡауыл ауылында тыуған. Ул милли көрәш, классик һәм ирекле алыш, самбо буйынса Рәсәй чемпионы һәм спорт мастеры. Уның иҫтәлегенә Силәбе ҡалаһында һәм Салауат районында дзюдо һәм милли көрәш буйынса ярыштар үткәрелә.

Ул Дзюдо буйынса олимпия әҙерлеге үҙәге янында ҡуйылды. Харис Йосопов Силәбелә дзюдо мәктәбен асыуға күп көс һалған шәхес. Тренер булараҡ донъя һәм Европа чемпионаттары, Олимпия уйындары еңеүселәре һәм призерҙарын тәрбиәләгән кеше. “Атайым меңләгән көрәшсе әҙерләне, ул шулай уҡ өлкәлә башҡорт милли ойошмаларын үҫтереүҙә әүҙем ҡатнашты”, - тип белдерҙе һәйкәлде асыу тантанаһында көрәшсенең улы Морис Йосопов.
Читайте нас: