"Демография" милли проекты сиктәрендә Нуриман районындағы балалар баҡсаларында ясле төркөмдәре ойошторола.
Иҫке Күл ауылындағы балалар баҡсаһында яңы төркөмдө асыу тантаналы шарттарҙа үткән.
Кескәйҙәр өсөн яңы төркөмдәрҙә бөтә шарттар ҙа булдырылған: яңы йыһаздар ҙа, йыуыныу бүлмәләре лә уларҙың йәшенә яраҡлаштырылған, махсус уйынсыҡтар алынған.
Ясле төркөмдәрен асыу тантанаһына мәртәбәле ҡунаҡтар саҡырылғайны: Нуриман районы хакимиәте башлығы Айрат Нөсрәтуллин, райондың мәғариф идаралығы начальнигы Гөлнара Мырҙаҡаева һәм башҡалар Иҫке Күл балалар баҡсаһы тәрбиәләнеүселәре әҙерләгән концерт тамашаһын ҡараны.
Ата-әсәләр был ваҡиғаға бик шат.
"Беҙ быны оҙаҡ көттөк. Балаларыбыҙҙы ясле төркөмдәренә ҡабул иткәндәре өсөн ҙур рәхмәт", - тиҙәр улар.
Махсус төркөмдә 1,5 йәштән алып 3 йәшкә тиклемге балалар йөрөйсәк.