“Әсәй, ә Башҡортостанда бөтәһе нисә автобус бар?”

Кескәй белермәндең был һорауына нисек яуап бирергә белмәһәгеҙ, һылтанма аша үтегеҙ:

Башҡортостан Башлығы Радий Хәбиров сираттағы “Транспорт сәғәте” үткәрҙе. Кәңәшмәлә был өлкәләге көнүҙәк һорауҙар ҡаралды.

Транспорт һәм юл хужалығы буйынса Дәүләт комитеты етәксеһе Алан Марзаев бөгөн республикала йәмғеһе 1 048 маршрут, 84 ташыусы булыуын, төбәктәге автобус паркында 9 771 тимер ат йөрөүен, шуларҙың 1 879-һе “Башавтотранс” транспортары икәнен еткерҙе.

“Республика автопаркын яңыртыр өсөн төрлө кластағы 583 автобус алдыҡ, уларҙың барыһында ла “Алға” картаһы менән түләү мөмкинлеге ҡаралған”, – тине ул.

“Алға” тигәндәй, кәңәшмәлә был карта менән ҡулланыу уңайлылыҡтары хаҡында ла һүҙ барҙы.

“Алға” картаһын ҡулланғанда ниндәй проблемалар тыуғаны хаҡында дөйөм хәбәрҙар булырға тейешбеҙ, – тине үҙ сиратында төбәк етәксеһе Радий Хәбиров, – уның пассажирҙарға нимәһе менән уңайлы булыуын, артабанғы үҫеш юлын күҙаллар кәрәк”.

“Транспорт сәғәте”ндә ҡатнашыусылар был транспорт картаһын нисек итеп киң ҡулланылышҡа индереү хаҡында ла һөйләштеләр.

Айгөл ЙӘМИЛЕВА.

Читайте нас:

Ойоштороусылары: Башҡортостан Республикаһының Матбуған һәм киң мәғлүмәт саралары буйынса агентлығы; Башҡортостан Республикаһының Яҙыусылар союзы.

Баш мөхәррир Абдуллина Лариса Хашим ҡыҙы

Телефон

89659441892

Электрон почта

[email protected]

Адресы

г. Уфа, ул. 50 лет Октября, 13, 1 этаж

Реклама хеҙмәте

(347) 2927761

Редакция

(347) 2927761

Ҡабул итеү бүлмәһе

(347) 2927761

Хеҙмәттәшлек

89659441892

Кадрҙар бүлеге

8(347)272-42-07