«Тулҡын» паркы

Өфө ҡалаһының Ленин районындағы «Тулҡын» паркы үҙгәртеп ҡорола. Подряд ойошмаһы вәкиле Эдуард Остапчук белдереүенсә, парк биләмәһе ике тапҡырға киңәйтелгән. Бында йәйәүлеләр өсөн юлдар, балалар һәм спорт майҙансыҡтары, хоккей майҙансығы, сәхнә барлыҡҡа килгән. Бында һаулығы буйынса мөмкинлектәре сикләнгәндәр өсөн дә уңайлыҡтар ҡаралған. Шулай уҡ автопарк та төҙөлөүе лә күҙ уңында тотола. Ул шуныһы менән мөһим: балалар юл хәрәкәте ҡағиҙәләрен өйрәнәсәк. Бынан тыш, паркта 100 камеранан торған видеокүҙәтеү ойошторолған.