Бөтә яңылыҡтар
Яңылыҡтар
5 Июнь 2020, 16:10

Кемдең киноға төшкөһө килә?

Өфөлә «Башҡортостан» киностудияһы булышлығында «Йәшенмәк» проекты өҫтөндә эш башланды. Был – дүрт ҡыҫҡа метражлы фильмдан торған киноальманах. Фильмдарҙа бала саҡ, атайҙар һәм балалар мөнәсәбәте, балаларҙы тәрбиәләү һәм үҫтереү, кеше һәм донъя кеүек мәңгелек темалар күтәрелгән.

«Йәшенмәк» киноальманахы авторҙары – Рәсәйҙең Мәҙәниәт министрлығы булышлығында Никита Михалковтың Кино академияһын тамамлаусылар. Проекттың художество етәксеһе – Рәсәйҙең халыҡ артисы, кинорежиссёр, сценарист Владимир Хотиненко («72 метра», «Зеркало для героя», «Поп», «Мусульманин»).
«Тәүге киноновелла «Айназ» тип атала. Уның өҫтөндә режиссер Динара Әбдрәшитова эшләй. Фильм Башҡортостанда төшөрөлә», — тип һөйләне «Башинформ» агентлығына фильмдың продюсеры Алина Шакирова.
Фильмда төшөү өсөн 5-8 йәшлек башҡорт малайы талап ителә. Анкетаны [email protected] почтаһына ебәрергә кәрәк.
ИА" Башинформ", Ләйлә Аралбаева.
Читайте нас в