Ептән әүәләнгән ҡар бабай

Сибай ҡалаһында йәшәгән 3 йәшлек кенә Наҙгөл Дәүләтбаева исемле оҫта ҡуллы ҡыҙыҡай балалар баҡсаһына алып барып дуҫтарын ҡыуандырмаҡ булып, әсәһе менән елемгә ҡатырылған ептән Ҡар бабай эшләгән. Ул шул тиклем матур килеп сыҡҡан, ҡыҙыл ҡағыҙҙан “кишер” танау ҡуйып, башлыҡ, быйма кейҙергәс, бигерәк һөймәлекле килеп сыҡҡан. Ә һеҙ, дуҫтар, Яңы йыл байрамдарына нисек әҙерләнәһегеҙ?