Илебеҙ етәксеһенә лә башҡорт бейеүҙәре бик оҡшай

Радий Хәбиров республиканан ситтә башҡарылған иң матур бейеү өсөн бүләк вәғәҙә итте. Республика башлығы Фәйзи Ғәскәров исемендәге дәүләт академия халыҡ бейеүҙәре ансамбле иғлан иткән флешмобты хуплап, былай тине:

«Йәштәребеҙ төрлө илдәрҙә, донъяның билдәле урындарында бейеһә, минеңсә, бер кемгә лә ҡамасауламайҙар. Киреһенсә, кешеләр уларға ҡарап һоҡлана, фотоға төшөрә, бергәләп бейеп китә. Әйҙәгеҙ, былай итәбеҙ: республиканан ситтә йәки уның эсендә, ләкин Башҡортостандан ситтә йәшәгән ҡунаҡ менән иң матур башҡорт бейеүе өсөн бер нисә айҙан шәхси бүләгемде тапшырам! Һылтанмалар ебәрегеҙ!» — тип яҙҙы Радий Хәбиров үҙенең социаль селтәрҙәге сәхифәһендә.