-18 °С
Болотло
75 лет Победы
Бөтә яңылыҡтар
Яңылыҡтар
14 Май 2019, 12:10

Сәскә ат, Башҡортостаным!

“Күбәләктәр” төркөмөндә тыуған илебеҙ – Башҡортостан Республикаһы барлыҡҡа килеүгә 100 йыл тулыу айҡанлы байрам сараһы үтте.

Сәскә ат, Башҡортостаным!
“Күбәләктәр” тип аталған уртансылар төркөмөндә тыуған илебеҙ – Башҡортостан Республикаһы барлыҡҡа килеүгә 100 йыл тулыу айҡанлы байрам сараһы үтте.
Шарҙар, сәскәләр, шиғри юлдарҙан яҙып эленгән плакаттар менән биҙәлгән зал бүлмәһенә саҡырылған ҡунаҡтар йыйылған. Оҙатып килгән ҡурай моңо аҫтында милли кейем кейгән балалар залға уҙҙы. Йөҙҙәрендә тулҡынланыу һиҙелһә лә, кескәйҙәр юғалып ҡалманы. Тыуған илгә һөйөү, унда йәшәгән төрлө милләт халҡының дуҫлығын данлап яҙған бөйөк шағирҙарҙың ижады менән асып ебәрҙе улар кисәне. Байрам “Күбәләктәр”ҙең оҫта бейеүҙәре, моңло йырҙары, “Тирмә”, “Йәшерәм, йәшерәм яулығымды” уйындары менән ҡушылып үрелеп барҙы. Ә инде залдан ағылған дәртле көйҙәр башҡа төркөмдәргә лә эстафета булып барып еткәндер.
Гөлнара Фәниз ҡыҙы ТЕЛӘҮБАЕВА, өлкән тәрбиәсе.
Дим биҫтәһенең “Аҡбуҙат” 75-се башҡорт балалар баҡсаһы.