Афарин, Борай уҡыусылары!

Борай районында уҡыу алдынғыларының слеты үтте. Ошо көндәрҙә район үҙәге Борайҙа тантаналы кисәлә яҡшы уҡыусылырҙы ҡотлау булды.

2017/2018 уҡыу йылын 343 ҡыҙ һәм егет тик “5” билдәләренә генә тамамлаған. “Уҡыуҙағы уңыштар өсөн” миҙалы менән 35 сығарылыш уҡыусыһы бүләкләнгән. Борайҙарҙың Башҡортостан ғына түгел, ә Бөтә Рәсәй олимпиадаларында ла еңеү яулауы маҡтауға лайыҡ. Мәҫәлән,8 класс уҡыусыһы Алһыу Ғәлиева (Борай ауылының 2-се гимназияһы) менән 9 класс уҡыусыһы Марат Шафиҡов (Борай ауылының 3-сө мәктәбе) бишәр предметтан юғары һөҙөмтәләргә өлгәшкән һәм икешәр предметтан призер булған икән.