Уҡсылар

Мәргән уҡсылар.

Ғафури районы Красноусол биләмәһендә мәргән уҡсылар ярышы уҙҙы. Был турнирҙа баш ҡалабыҙҙан, шулай уҡ Стәрлетамаҡтан, Бөрйән, Ғафури, Ишембай һәм Учалы райондарынан ҡатнашыусылар йыйылды. Традицион уҡ атыу спорт төрө булараҡ киң танылған, уның һыбайлы программаһы ла бар. Унда ярҙамсы ҡорамалдар, пластик материалдар, өҫтәлмә йыһаздар, сәплектәрҙе ҡулланыу тыйылған. Өс этаптан торған турнирҙа - баҫып, әйләнеп, бер тубыҡҡа тубыҡланып йәйәнән уҡ аттылар. Был ярышта ғаиләләр менән ҡатнашыусылар ҙа аҙ булманы. Әйткәндәй, ҡыҙҙар ҙа ситтә тороп ҡалмай үҙ көсөн һынаны.